Arjeta Musliu është një nënë nga Ferizaj, djali i së cilës e ka humbur jetën nga përdorimi i substancave narkotike.
Ajo ka treguar se ka qenë kureshtja ajo që e ka shtyrë djalin e saj Rijadin drejt kësaj bote të rrezikshme, që i mori jetën.
Musliu ka thënë se fatkeqësia më e madhe është se është ulur mosha e përdoruesve të drogave, ku sipas saj, ka rasti kur fëmijët në moshën 12 ose 13-vjeçare përdorin këto substanca.
“Në këtë rast djali im është viktimë e kësaj dukurie negative, e këtij fenomeni që ka marrë përmasa të mëdha. Kemi shumë elemnte që nuk i shohim, që prindi nuk mundet me pas si ide që fëmija i vet mundet me përdorë substanca të tilla”, ka shtuar ajo.
E ëma ka treguar se Rijadi ishte në trajtim mjekësor në një spital, por njëkohësisht kërkonte ndihmë nga nëna e tij, ka shkruar Telegrafi. Arjeta tashmë ka hapur një qendër këshillimi për t’iu ndihmuar përdoruesit e e substancave narkotike.
“Mos ta paragjykojmë përdoruesin e drogës, përderisa përdoruesi me qasjen e parë është i penduar. Çdo shikim dhe sy i përdoruesit kërkon ndihmë, çdo shikim i përdoruesit kërkon ndihmë”, ka shtuar ajo.
